Béliq Dümlimisi (balık demleme) (uygurca)

Béliq Dümlimisi (I)

[Xuruchi] 250 giramliq béliq besh tal, pishshiq gösh azraq, qoyning chawa yéghi azraq, jangyu azraq, tétitqu bir chimdim, shorpa bir chömüch, sériq haraq bir qoshuq, achchiqsu azraq, gholpiyaz ikki tal, tuz muwapiq miqtarda, zenjiwil bir tal.

[Pishurush Usuli] 1. Béliqni adalighandin kéyin dümbisige ay sheklide chishliq gül chiqirilidu; Gholpiyazni 4-5 santimétir uzunluqta inchike toghrap, bir qismini soqichaq béliq texsisige qoyup, üstige béliqni tizip, uning üstige qalghan gholpiyaz, inchike toghralghan pishshiq göshni tizip sélip teyyarlaymiz.

2. Qachigha 35 giram shorpa élip, tétitqu, tuz, sériq haraq, jangyu, ushshaq toghralghan chawa yagh sélip, texsidiki béliq bilen bille qasqan?gha qoyup 20 minut etrapida dümleymiz.

3. Béliqni qasqandin élip, texsige yighilghan süyini töküwétip, qasqanda béliq bilen bille dümligen shorpa béliqning üstige quyulidu.

[Alahidiliki] Temi yash, yéngi, süyi süzük hem puraqliq.

-----------------------------------------------------------------------------------------------------------------------

Béliq Dümlimisi (II)

[Xuruchi]Bir kilogiramliq béliq ikki tal, tétitqu bir chimdim, chawa yagh azraq, purchaq uni azraq, jangyu 35 giram, su yéghi 500 giram (xoraydighini 70 giram), gholpiyaz ikki tal, zenjiwil azraq, tuz muwapiq miqtarda, samsaq bir bash, achchiqsu azraq.

[Pishurush Usuli] 1.Béliqning qasriqini qirip, ichki ezalirini éliwétip, pakiz yuyup, béliqning dümbisige dolqunsiman siziq sizip, jangyu bilen tuzgha chilap qoyulidu.

2. Gholpiyazni at quliqi sheklide, samsaq, zenjiwil yalpaq toghrilidu.

3.Qazan?gha yagh quyup, sekkiz derije qizitip, chilighan béliqni sélip yérim pishurup alimiz; Qazanda azla yagh qaldurup, gholpiyaz, zenjiwil, samsaqlarni sélip qorup, uninggha ushshaq toghralghan chawa yagh, tétitqu shorpa, jangyu, tuz sélip, yérim pishurulghan béliqni sélip qaynitip dümlep pishurimiz.

Béliq pishqandin kéyin örüp, chilighan purchaq uni sélip shorpisini qoyuqlashturup, parqiratma yagh, achchiqsu chéchip, béliqni shorpisi bilen chongqur texsige alimiz.

[Alahidiliki] Süyi achchiq-chüchük, béliq yash, yumran pishidu.

Yorum Yaz
Arkadaşların Burada !
Arkadaşların Burada !